Bebakhuleka njani laba bholofidi labalandzelako? Abrahama, Mose, Jesu kanye naMahomedi (kuthula makube nabo)

Kwake kwenteka ngalelinye lilanga Sheikh Ahmed Deedat  (sifundziswa lesikhulu enkholweni yemaSulumane) wavakashela eJeddah lokulidolobha lase Saudi Arabia. Wefike wacoca ngalesinye setehlakalo lesake samuvelela emphilweni yakhe.

Watsi wake watsatsa licembu lebantfu lenkholo yemakrestu nelicembu lenkholo yemaJuda wawavakashisa emosque eThekwini eNingizimu Africa.Umasebangena emosque Sh. Deedat akagcinanga ngekukhumula takhe ticatfulo kodvwa wacela lamacembu kwekutsi nawo ente njalo. Nabo vele batikhumula ticatfulo.

Wase Sh. Deedat ubabuta sizatfu sekukhumula ticatfulo? Bonkhe baphendvula batsi "cha! Abati" wase uyabachazela watsi; "Ngesikhatsi Mose asentsabeni (Sinai).

''Nkulunkulu watsi (kuMose) ungasondzeli, khumula tincabule takho ngoba lendzawo lome kuyo ingumhlabatsi longcwele'' (Exo 3;5).

Sekahleti phansi lamacembu Sh. Deedat wacela lucolo kute ageze, emva kwekugeza wabuyela kubo wabachazela sizatfu sekugeza. Watsi '' Loku akusiko kutihlanta ngelizinga lelisetulu nje kuphela, njengoba kwentiwa emahlandla lasihlanu ngelisuku.

Kukhona nasemulandvweni''    

Wase uyacephuna; "Mose, Aroni kanye nemadvodzana akhe basebentisa emanti kugeza tandla netinyawo tabo ''njalo nje nabangena ethendeni lekuhlangana nome nabasondzela Elatini,njengobe Simakadze abeyale Mosi.'' (Exo 40;31-32). 

Emva kwemthandazo losimiso Sh. Deedat wabuyela kulamacembu labekabhizi abukela emasulumane athandaza imithandazo lengasiyo simiso. Wefika wabachazela ngetigaba letehlukene tekuthandaza.

Sigaba lesadvonsa emehlo kwaba sigaba sekutsintsa ngebuso phansi.

Watsi Sh. Deedat akhuluma mayelana nekutsintsa ngelibun                                            9ti phansi; "Ngiyo indlela bonkhe lababholofidi bebakhuleka ngayo" wase uyacephuna futsi;

''Ngekushesha Abrahama wakhotsamisa buso bakhe, batsintsa phansi....futsi Nkulunkulu asakhuluma naye ...'' (Genenesisi 17;3).

"Abrahama wakhotsamisa buso bakhe, batsintsa phansi...." (Genesisi 17;17).

"BoMosi na-Aroni besuka emkhatsini walesive bacondza ekungeneni kwelithende lekuhlangana. Befike bawa phansi ngebuso bakhotsama. Ikhatimulo yebukhona baSimakadze yabonakala" (Numeri 20;6).

"Joshuwa wawa phansi ngebuso emhlabatsini, akhotsama...." (Joshuwa 5;14).

Yena (Jesu) wachubeka libanga, wawa phansi ngebuso, athandaza atsi ''Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.'' (Mat 26;39).

Sh. Deedat watjela lamacembu kwekutsi ayati kahle indlela yekuthandaza kwemaKrestu kanye neyemaJuda kantsi nyalo sekayibonile yemaSulumane.

Sh. Deedat ngenhlonipho wase ubuta lamacembu kwekutsi kuto tonkhe letindlela tekuthandaza, nguyiphi lesondzele kakhulu nendlela yaKrestu?

EmaJuda nemaKrestu avumelana ngavi linye atsi ''Ngempela indlela yemaSulumane isondzele kakhulu kuleya Krestu kunaleletinye tinkholo".

Liningi lemaKrestu angena enkholweni yebu Islam abangemasulumane, namuhla ayafakaza kwekutsi ativa angemaKresu sibili ngekwenta loku.

Ligama lelitsi umKrestu lisho umuntfu lolandzela Jesu Kresu, manje kwenteka njani kwekutsi labanye bantfu batsi emaSulumane ayakuphocelela kutsi abalandzeli bakrestu?

Asesisebentise umcondvo kuhlatiya lokushiwo Libhayibheli ngaJesu

Sibonelo; emavesi incumbi lehlukene aveta kutsi Jesu abethandaza abeke buso bakhe phansi, abingelela emakholwa ngesibingelelo sekuthula, aphindze azila kudla sikhatsi lesidze.

Empeleni liningi lemaKrestu liyavuma kwekutsi bekangemaSulumane ngenca yendlela bekakhonta ngayo kucala uma babuka iQur'aan incwadzi leyembulwa kumbholofidi wekugcina Mahomedi (Kuthula nemusa waSimakadze makube naye).

'''Oh nine lenikholwako! Gobani futsi nikhotsame (nitsintse ngebuso benu phansi) futsi nihloniphe iNkhosi yenu, nente lokuhle kute nichubekele phambili. (Qur'an 22;77).

Uyabona bunye baSimakadze kumatima kukwehlukanisa nemvelo yemuntfu. Namuhla linyenti lebantfu batsi balandzela Abrahama, Mose noma Jesu (kuthula makube kube), bayilahlile indlela Bese esimeni semaKrestu bantfu badale inkholo lensha ngalokuphelele ngaJesu bamenta intfo langazange sekatsi ungiyo.

Manje ngekutsembeka ase utibute kwekutsi;" Ngubani lolandzela Jesu ngekweliciniso lomuhla?'Njengoba kunekwenteka kwekutsi uyati kwekutsi emaSulumane athandaza ngekutitfoba, buso babo butsintse phasi emhlabatsini emahlandla lasihlanu ngelusuku.

EmaSulumane alandzela inkholo yaJesu, lenkholo lakhuluma ngayo futsi wayilandzela. Ngako-ke emaSulumane akhonta loNkulunkulu lobeka khontwa nguJesu. LoNkulunkulu wabo Abrahama, Mose naMahomedi (kuthula nemusa waSimakadze akube nabo).

Lokunye; Emasulumane ahlale abingelelana ngekutsi "Kuthula akube nawe" (arabic; Asalaam Alaikum), nekutsi njengoba naJesu azila kudla tinsuku letingemashumi lamane asendle. NemaSulumane azila kudla inyanga yonkhe ngenyanga yaRamadan.

Kwekugcina, asimane sititfobe siphindze sithandaze njengabo bonkhe bonkhe lababholofidi, phindze wemukelekile kudownloader lencwadzi Yemkhuleko (Salaah) kulelikheli letfu.

www.islamic-invitation.com

https://islamic-invitation.com/book_details.php?bID=1812

https://islamic-invitation.com/lang_show.php?lang_name=SiSwati%28Swazi%29&langID=18